Die Pälzer Cantry Bänd spielt und singt am 30. April auf der Hohen Loog. In diesem Interview verraten die Musiker das Geheimnis der Riesling-Schorle.
Pfälzer Texte zu bekannten Songs sind das Markenzeichen der Pälzer Cantry Bänd. Am 30. April kommen sie zum Funzelabend auf die Hohe Loog. Wir fragten den Gitarristen und Sänger des Quartetts, Cornelius „Doc Moliday“ Molitor (im Bild rechts), was die Gäste erwartet.
Was genau is dann eischentlich Pälzer Cantry?
C. Molitor: Die Pälzer Cantry Bänd macht Mussick vum Pälzer Land. Des hääßt, meer singen so, wie die Pälzer babbele duhn: gradaus, nie iwwerkandiddelt, awwer immer vun de Lung uff die Zung. Wie de Begriff „Cantry“ entstann is, des kammer ah uff unserer Hoompäätsch nohläse: https://www.cantry.de/wissenswertes/#cantry
Gäbbt’s dann bei eich aa e Lied, in dem die Hohe Loog drin vorkummt?
C. Molitor: Ei allemol! Awwer welles des is, des werd jetz noch net verroot. Do muss merr halt am 30. April uff die Hohe Loog kumme, ferr des se heere!
Was is denn Dei Lieblingsreimwort uff „Palz“?
C. Molitor: Uff „die Palz“ reimt merr als jedenfalls määschdens „Hals“. Doch ich hall’s net ferr gut, wann merr „Hals“ nor nemme duht. Weil do schnallt’s mancher net, dass es noch annre Reime gebbt. Was ich mähn dodemit: „Hals“ is net mei Favorit! Alles annre kammer nemme, vielleicht grad änner vun denne Reime wo jetz do in meiner Antwort drinne sin.
Ä Lied vunn eich häßt „Mach Riesling in dei Wasser“ – is des e Hymne uff die Rieslingschorle?
C. Molitor: Die Rieslingschorle is jo sosesaa es Nationalgetränk vun de Palz un hot’s deswää redlich vedient, dass merr e Hymne uff se singen. Außerdem hot uns awwer noch intressiert, vun wem, wann un warum die Rieslingschorle erfunn worr is. Was merr dodezu noh langer un intensiver Recherche ausbaldowert han, des berichte merr in unserm Lied „Mach Riesling in dei Wasser“.
Info: Funzelabend mit der „Pälzer Cantry Bänd“, Donnerstag, 30. April, Beginn: 19.30 Uhr, das Hohe-Loog-Haus ist ab 18 Uhr geöffnet. Nur Thekenbetrieb. Statt Eintrittskarten: Der Funzelabend funktioniert als Hut-Konzert, am Ende wird für die Band gesammelt. Anmeldung erforderlich per E-Mail: weiteloog@pwv-hambach.de.
(Foto: Bissinger/Pälzer Cantry Bänd)